رحم الله الشاعر الكبير عبد الرحمن الأبنودي
كنت ولازلت معجبا به وبشاعريته العامية الفذة .
في عام 1973 م حاولت تقليده في قصيدة عامية فكتبت هذه القصيدة في حب مصر
سأدرجها كما هي بالعامية المصرية
****
يا مصر يا غالية
***
صبري الصبري
****
يا مصر يا غالية : إنتي مصر
مهما حاول (ماركس) يدجل عليكي
ويسمّعك أذان العصر
إنتي يا أمي يا غالية
يا ساكنة في أغلى قصر
**
يا مصر ياغالية إنتي مصر
مهما لقينا في إدينا
رغيف العيش من غير غموس
مهما حلمنا في منامنا
بالفرخة وبلحم الجموس
مهما بدرنا غيطانا قمح
وحصدنا سنابله فيها سوس
إنتي مصر الغالية مصر
وإبنك سواعده ما تعرف
غير طريق النصر
سواعده القوية
معاه الولاد العفية
وإبنه وأبوه والوليّة
وناس مالهم حصر
بيفدوا ترابك يا مصر
ولا يعرفوش لليأس باب
وربهم يشهد عليهم إنهم
ليكي يا مصر أحباب
وبصبرهم مهما طال همهم
أو حتى طال ليل العذاب
لازم يا مصر يا أمي يا غالية
لازم تعدّي الصعاب
**
دا انتي مصر الإسلامية
دا انتي نور للدنيا دية
دا انتي والأزهر في حضنك
تبني صرح الإنسانية
دا انتي والفلاح في أرضه
يزرع اللقمة الهنية
دا انتي والعالم بفكره
يعلم الأمة النقية
دا انتي والعامل بعزمه
يصنع النهضة الفتيّةْ
دا انتي والجندي بشجاعته
يحرر الأرض البهيةْ
***
وانتي أمي وأنا ابنك
ابنك الفلاح يا مصر :
الواد عوضين
لما عرف إنك في دينْ
جري على الغيظ
وباع قراطين
وقال حبيبتي وأمي مصر
يصحى من النجمة الفجرية
يصحّي أمه وبنته (بدريّة)
وأمها .. حب التراب في دمها
والأرض أرضه وأرض أبوه
يروي الأرض بعرقه
ويقسم اللفمة وأخوه
ومن علامك إنتي والله
كان بيتعلم يا مصر !!
***
وإنتي أمي وأنا إبنك
إبنك الصانع يا مصر :
إبنك الصانع
والمكن جامع
وقبلتي هيه همتي
والعزيمة العظيمة حالفة يمين الله
نصر إنتي يا مصر يا أمي
لازم يكمل خطاه
ومن علامك إنتي والله
يا ما باتعلم يا مصر !!
***
وإنتي أمي وأنا إبنك
إبنك الجندي يا مصر :
كلمتي
إنك يا مصر في نبضتي
آدي كلمتي
إنك يا مصر في فكرتي
آدي كلمتي
إنك يا مصر في مهجتي
آدي كلمتي
ومن علامك إنتي والله
الناس بتتعلم يا مصر !!
***
مع تحيات
صبري الصبري
عام 1973م
ليست هناك تعليقات:
إرسال تعليق